Workshop ‘Online’ na Papiamentu

Saludos!

Ata’ki ampliashon di produktonan di LERO Corporate Communication ku workshopnan ‘online’! Anto na Papiamentu; e idioma ku mas sa wòrdu usá durante nos seshonnan banda dje seshonnan na hulandes i ingles.
E inspirashon pa presentá nos produktonan mas popular den forma ‘online’ a nase durante e pandemia di Covid-19. E tantísimo oranan den ‘quarantaine’ a ’trigger’ nos pa bini ku un ángulo nobo pa kompartí nos kuminda mental ku kursistanan.
Un kuminda – kual promé ku Covid-19 – tabata wòrdu presentá generalmente den gruponan ‘kara – kara’ of durante seshonnan di ‘coaching’.
E ampliashon ‘online’ aki ta brinda un kursista diferente bentaha.
Na promé lugá e por pasa dor di e materia ora e mes ke i den su mes ‘tèmpo’. Basta e tin un ‘device’ pa ‘download’. Ademas e preis ta redusí ya komo por repartí e trabou riba un grupo mas grandi.
Úniko kos ku lo hasi falta ta e ‘gezelligheid’ di un seshon kara-kara. Ehèmpelnan ku otro kursistanan sa trese dilanti durante workshopnan i preguntanan ku nan ta hasi semper ta duna un dimenshon èkstra. Pero por kompensá esaki dor di sigui e workshopnan ‘online’ ku mas hende. Por ehèmpel ku un partner, un amigu/a, ku henter famia, un ‘afdeling’ ets.

E promé workshop ku a keda kla ta Komunikashon ‘win-win’.
Keda pendiente pa nos otro workshopnan ‘online’ ku ainda ta den desaroyo: Servisio Ekselente i Rikesa Mental.