Kurso Komunikashon WIN-WIN
ƒ 150,00
Kurso Komunikashon WIN-WIN
Tráfiko sosial tur dia ta pèstá di disturbionan riba tereno di komunikashon.
Hendenan ta rabia i pleita ku otro. Nan ta zundra i keda numá ku otro. Por surgi bringamentu, tiramentu, matamentu …. bai para te den korte di hustisia. Pa no papia mes di e stress, batimentu di kurason i otro malesanan ku e disturbionan ta kousa. Anto semper …….. ta e otro su falta ku kosnan a sali for di man. Ta dikon kosnan t’asina’ki? No por otro?
Kon pa trese kambio den e situashon aki?
Deskripshon
E workshop komunikashon Win – Win ta brinda bo e 9 prinsipionan ku un komunikado profeshonal ta apliká.
E prinsipionan ku ta e base pa tur tipo di komunikashon. Tantu riba nivel mikro (den gruponan chikitu unda hendenan konosé otro hopi bon) of e nivel meso (mas ‘zakelijk’ den organisashonnan) of e nivel makro (komunikashon ku un masa di hende).
Ta hopi importante dominá e prinsipionan aki pa logra metanan stipulá i pas mental.
Kon e workshop ta hinka den otro?
.Método
E wòrkshòp ta konsistí di 3 seshon Un pia un pia e kursista por pasa dor di e materia, reflekshonando riba su mes stail di komuniká.
Pa stimulá e reflekshon – promé ku kada seshon – e kursista ta traha un ehersisio . Es ‘huiswerk’ aki ta yud’é tèst su konosementu i su aktitut riba e materia konserní.
Anto durante e seshon e por kompará resultado di su ‘huiswerk’ ku e teoria ku ta bini dilanti i formulá posibel puntonan di akshon di moda ku poko poko e por kambia su stail di komuniká i move kada dia mas i mas den direkshon di un komunikadó profeshonal.
Kuantu e wòrkshòp ta kosta?
Preis
E preis ta Afl. 50,00 pa kada seshon.
Pues e wòrkshòp Komunikashon Win – Win ta kosta total Afl. 150,00.
Depositá e suma riba kuenta no 62123001 di LERO Corporate Communication na MCB bank. Pone komo deskripshon : Komunikashon Win – Win.
E-mail e komprobante di e pago pa info@lero-corp.com i bo ta haña akseso na e workshop.
Dosente di e ‘wòrkshòp aki ta
Rubya Maduro
Un sosiólogo ku a doktorá den Maneho di Kalidat; muy en partikular e parti humano di Kalidat.
Tópikonan ku ta wòrdu enfatisá durante su treinen i wòrkshòpnan ta entre otro:
- Kon pa brinda servisio ekselente na klientenan?
- Kon duna guia na empleadonan di moda ku nan ta kapas i dispuesto pa brinda kalidat?
- Kon organisá e prosesonan di trabou pa por brinda kalidat?
- Kon pa brinda kalidat na bo Mes?
- Kua otro abilidatnan personal i interpersonal ta importante pa por brinda kalidat na bo mes i na otronan?