Workshop Komunikashon ‘win-win’
Tráfiko sosial tur dia ta pèstá di disturbionan riba tereno di komunikashon.
Hendenan ta rabia i pleita ku otro. Nan ta zundra i keda numa ku otro. Por surgi bringamentu, tiramentu, matamentu …. bai para te den korte di hustisia. Pa no papia mes di e stress, batimentu di kurason i otro malesanan ku e disturbionan ta kousa. Anto semper …….. ta e otro su falta ku kosnan a sali for di man. Ta di kon kosnan t’asina’ki? No por otro?
Kon pa trese kambio den e situashon aki?
Deskripshon
E workshop Komunikashon ‘win–win’ ta brinda bo e 9 prinsipionan ku un komunikado profeshonal ta apliká.
E prinsipionan ku ta e base pa tur tipo di komunikashon. Tantu riba nivel mikro (den gruponan chikitu unda hendenan konosé otro hopi bon) of e nivel meso (mas ‘zakelijk’ den organisashonnan) of e nivel makro (komunikashon ku un masa di hende).
Ta hopi importante dominá e prinsipionan aki pa logra metanan stipulá i pas mental.
Kon e workshop ta hinka den otro?
Método
E workshop ta konsistí di 3 seshon. Un pia un pia e kursista por pasa dor di e materia, reflekshonando riba su mes stail di komuniká.
Pa stimulá e reflekshon – promé ku kada seshon – e kursista ta traha un ehersisio . E ‘huiswerk’ aki ta yud’é tèst su konosementu i su aktitut riba e materia konserní.
Anto durante e seshon e por kompará resultado di su ‘huiswerk’ ku e teoria ku ta bini dilanti i formulá posibel puntonan di akshon di moda ku poko poko e por kambia su stail di komuniká i move kada dia mas i mas den direkshon di un komunikadó profeshonal.
Kuantu e wòrkshòp ta kosta?
Preis
E preis ta Afl. 50,00 pa kada seshon.
Pues Ee workshop Komunikashon ‘win– win’ ta konsistí di 3 seshon. Pues e ta kosta total Afl. 150,00. Ku 6% Omzetbelasting aserka e ta bira Afl. 159,00 òf Usd. 88,00
Bo kier kumpra e workshop?
Kuminsá ku klek aki’bou riba ‘mi tin interes’ [ = cart] pa registrá pa e workshop. Ora nos risibí bo registrashon nos lo ‘e-mail’ e detayenan pa kumpra e workshop i despues ‘ informashon pa log in’ pa start ku e workshop.
Skohe e divisa ku bo kièr paga kuné i laga e página rekargá di nobo.
Dosente di e ‘wòrkshòp aki ta
Rubya Maduro
Un sosiólogo ku a doktorá den Maneho di Kalidat; muy en partikular e parti humano di Kalidat.
Tópikonan ku ta wòrdu enfatisá durante su treinen i wòrkshòpnan ta entre otro:
- Kon pa brinda servisio ekselente na klientenan?
- Kon duna guia na empleadonan di moda ku nan ta kapas i dispuesto pa brinda kalidat?
- Kon organisá e prosesonan di trabou pa por brinda kalidat?
- Kon pa brinda kalidat na bo Mes?
- Kua otro abilidatnan personal i interpersonal ta importante pa por brinda kalidat na bo mes i na otronan?