Awendia, mayoria hende ku ke siña algu nobo òf sigui profundisá nan konosementu riba sierto tereno ta bai ‘online’ bai ‘google’.
Sinembargo mayoria workshop ta na Ingles, Hulandes, Spañó, ets. Tin ménos wòrkshòp pa esnan di abla Papiamentu ku kier siña algu nobo den nan mes idioma.
Pa esnan ku ta buskando un wòrkshòp na Papiamentu riba tereno di komunikashon Dr. Rubya Maduro a kaba lansa e wòrkshòp ‘online’ na Papiamentu: Komunikashon ‘win – win’. Maduro pa años kaba ta duna training, wòrkshòp i coaching riba tereno di kalidat den tur su fasetanan.
Komunikashon ‘win-win’
E wòrkshòp aki ta pa tur esnan ku ke sigui profeshonalisá riba tereno di komunikashon.
Den su trabou Maduro ta konstatá ku komunikashon profeshonal ta un problema grandi den e tráfiko sosial. Esei ta e kaso riba nivel mikro esta den relashonnan mas íntimo unda hendenan konosé otro hopi bon. Pero tambe riba e nivel meso por ehèmpel na trabou unda mester ta mas ‘zakelijk’- komunikashon ta forma un problema grandi. Pa no papia mes di e nivel makro (komunikashon ku un masa di hende).
E problema ta ku anke mayoria hende ta siña papia for di ora nan ta beibi, ta poko ta esnan ku a siña tambe kon pa komuniká na un manera profeshonal. Ta p’esei mes tin hopi hende den posishonnan klave kendenan no ta apto pa komuniká na un manera profeshonal.
Kontenido wòrkshòp
Komunikashon ‘win -win’ ta guia e kursista pa pasa stap pa stap dor di e materia.
Hasiendo uso di su telefòn selular, su ‘laptop’ òf kalke otro ‘device’ e por studia e materia unda ku e ke na e momentu ku e ke. Ta djis e tin ku registrá i paga pa risibí su ‘password’ pa ‘login’.
E wòrkshòp ta konsistí di 3 seshon. Despues di pasa dor di e 3 seshonnan i kumpli ku e eksigensianan rekerí e kursista lo risibí su sertifikado.
Na fin di e wòrkshòp’ e kursista lo ta muchu mas konsiente di pusibel fayonan den su mes manera di komuniká. Ademas lo e ta mas konsiente kon pa yuda otronan evitá fayonan den nan komunikashon. Muy en partikular e tin dor kon hendenan su EGO sa ‘trip’ durante e proseso di komunikashon.
Inskripshon
Klek aki pa risibí tur detaye pa sigui e ‘wòrkshòp’.
Hendenan ku inskribí promé ku fin di mart 2024 lo risibí un rebaho di 50%.