Kurso Komunikashon WIN-WIN

Tráfiko sosial tur dia ta pèstá di disturbionan riba tereno di komunikashon. Hendenan ta rabia ku otro, pleita, zundra, keda numá i hasta bringa, tira etc.

I … semper ta falta di e otro ku kosnan a Sali for di man.

Ta kua anto ta e sekreto di e par di hendenan ku ta logra keda trankil i sigui purba pa logra metanan stipulá evitando problema di komunikashon?

E workshop komunikashon Win – Win ta brinda e 9 prinsipionan ku un komunikado profeshonal ta apliká.

E 9 prinsipionan ei ta e base pa tur tipo di komunikashon manera skucha empátiko, duna i risibí feedback, hasi entrevista, partisipá profeshonalmente den un reunion, anda ku konflikto i solushoná problema, negosiá, skibi relato, presentá dilanti un públiko.

i tambe pa organisá e komunikashon den un organisashon

Metodo

E wòrkshòp ta konsistí di 3 seshon di ménos ku un ora.

Esaki ta brinda e kursista espasio pa pasa poko poko dor di e materia. Reflekshonando riba e kontenido.

Pa stimulá e reflekshon – promé ku kada seshon – e kursista ta risibí un ehersisio pa tèst su konosementu i su aktitut riba e materia ku lo wòrdu kubri.

Anto durante e seshon e por kompará su kontestanan ku e teoria ku ta bini dilanti.

Pa risibí un sertifikado tin ku entrega e ehersisio despues di kada seshon komo prueba ku a pasa dor di henter e workshop.

Dosente di e kurso aki

Rubya Maduro

Dr. Rubya Maduro is afgestudeerd in sociologie aan de Radboud Universiteit in Nijmegen. Daarna is ze gepromoveerd in Kwaliteitsmanagement aan de Rijksuniversiteit Groningen. Kennis delen over de ‘soft side’ van kwaliteit is haar passie.