Wòrkshòp Rikesa Mental
Den desaroyo
“Rubya ta siña nos kon pa brinda servisio ekselente na klientenan. Kon pa demostrá komprenshon pa nan emoshonnan! Kon pa biba ku nan.
Pero ken ta tene kuenta ku AMI? Unda mi mes ta keda?”
E preguntanan ei sa bini regularmente dilanti ora mi ta duna e wòrkshòp Servisio Ekselente.
E workshop – Rikesa Mental- ta kontestá e preguntanan aki i hopi otro pregunta relashoná ku nos desaroyo mental.
Preguntanan ku mayoria biaha no ta haña kontesta den bankinan di skol.
Ora bo finalisá e workshop lo bo tin e yabi pa sigui enrikesé e mente. Di moda ku kada dia atrobe bo sa di brinda kalidat na bo mes Mes.
I lo ta un plaser pa brinda servisio ekselente na bo klientenan i tur otro hende rònt di bo -hasiendo uso di e talentonan i kreatividat ku bo a bini mundu kuné.
Dosente di e ‘wòrkshòp aki ta
Rubya Maduro
Un sosiólogo ku a doktorá den Maneho di Kalidat; muy en partikular e parti humano di Kalidat.
Tópikonan ku ta wòrdu enfatisá durante su ‘training’ i wòrkshòpnan ta entre otro:
- Kon pa brinda servisio ekselente na klientenan?
- Kon duna guia na empleadonan di moda ku nan ta kapas i dispuesto pa brinda kalidat?
- Kon organisá e prosesonan di trabou pa por brinda kalidat?
- Kon pa brinda kalidat na bo Mes?
- Kua otro abilidatnan personal i interpersonal ta importante pa por brinda kalidat na bo mes i na otronan?