Wòrkshòp Komunikashon ‘win-win’
Tráfiko sosial tur dia ta pèstá ku disturbionan riba tereno di komunikashon.
Hendenan ta rabia i pleita ku otro. Nan ta zundra i keda numá ku otro…… Hopi emoshon negativo ku ta un fuente di mayoria malesa segun Louise L. Hay den su buki ‘You can Heal your Life’!
Kon pa trese kambio den e situashon aki?
Deskripshon
E wòrkshòp Komunikashon ‘win–win’ ta brinda bo e 9 prinsipionan ku un komunikado profeshonal ta apliká.
E prinsipionan ku ta e base pa tur tipo di komunikashon. Tantu riba nivel mikro (den gruponan chikitu unda hendenan konosé otro hopi bon) of e nivel meso (mas ‘zakelijk’ den organisashonnan) of e nivel makro (komunikashon ku un masa di hende).
Ta hopi importante dominá e prinsipionan aki pa logra metanan stipulá i pas mental.
Kon e wòrkshòp ta hinka den otro?
Método
E wòrkshòp ta konsistí di 3 seshon. Un pia un pia e kursista por pasa dor di e materia, reflekshonando riba su mes stail di komuniká.
Pa stimulá e reflekshon – promé ku kada seshon – e kursista ta traha un ehersisio. E ‘huiswerk’ aki ta yud’é tèst su konosementu i su aktitut riba e materia konserní.
Anto durante e seshon e por kompará resultado di su ‘huiswerk’ ku e teoria ku ta bini dilanti i formulá posibel puntonan di akshon. Asina poko poko e por kambia su stail di komuniká i move kada dia mas i mas den direkshon di un komunikadó profeshonal.
Kuantu e wòrkshòp ta kosta?
Preis
E preis ta Afl. 50,00 pa kada seshon.
Pues e wòrkshòp Komunikashon ‘win– win’, ku ta konsistí di 3 seshon ta kosta Afl. 150,00. Ku 6% Omzetbelasting aserka e ta bira Afl. 159,00 òf Usd. 88,00.
Bo kier kumpra e wòrkshòp?
Kuminsá ku klek aki’bou riba ‘mi ta interesá’ [ = garoshi] pa registrá pa e workshop. Ora nos risibí bo registrashon nos lo ‘e-mail’ e detayenan pa paga pa e wòrkshòp i informashon pa ‘log in’ pa start ku e wòrkshòp.
Por fabor skohe bo divisa preferí i laga e página rekargá di nobo.
Dosente di e ‘wòrkshòp aki ta
Rubya Maduro
Un sosiólogo ku a doktorá den Maneho di Kalidat; muy en partikular e parti humano di Kalidat.
Tópikonan ku ta wòrdu enfatisá durante su ‘training’ i wòrkshòpnan ta entre otro:
- Kon pa brinda servisio ekselente na klientenan?
- Kon duna guia na empleadonan di moda ku nan ta kapas i dispuesto pa brinda kalidat?
- Kon organisá e prosesonan di trabou pa por brinda kalidat?
- Kon pa brinda kalidat na bo Mes?
- Kua otro abilidatnan personal i interpersonal ta importante pa por brinda kalidat na bo mes i na otronan?